اسلام آباد: وزیر خارجہ اور پیپلز پارٹی کے چیئرمین بلاول بھٹو زرداری کا کہنا ہے کہ سابق وزیر اعظم عمران خان نے میرے والد آصف زرداری پر جھوٹے الزامات لگائے ہیں ۔
سماجی رابطے کی ویب سائٹ ٹوئٹر پر سابق وزیر اعظم اور پی ٹی آئی کے چیئرمین عمران خان کے خطاب پر اپنے رد عمل میں بلاول بھٹو زرداری نے کہا کہ عمران خان کے بیان سے میرے خاندان کے لئے خطرات بڑھ گئے ہیں، ہم اپنی تاریخ کو دیکھتے ہوئے ایسے بیانات کو سنجیدگی سے لیتے ہیں ۔
پیپلز پارٹی کے چیئرمین بلاول بھٹو زرداری نے مزید کہا کہ سابق وزیر اعظم عمران خان کے حالیہ بیان کیخلاف عدالت جانے کا فیصلہ بھی کیا ہے ، ماضی میں دہشتگرد تنظیموں کی جانب سے مجھے اور میری پارٹی کو دھمکیاں دی گئیں تھیں ۔
His latest accusation that my family has any association to a terrorist organization or that we would employ them to cause him harm not only defies logic but exposes us all to an increased threat. 5/6
— BilawalBhuttoZardari (@BBhuttoZardari) January 28, 2023
وزیر خارجہ کا کہنا تھا کہ ہم عمران خان کے حالیہ توہین آمیز اور خطرناک الزامات کے حوالے سے قانونی پہلوؤں کو بھی دیکھ رہے ہیں ، چیئرمین پی ٹی آئی ان الزامات سے قبل میرے والد کو بندوق کی نوک پر رکھنے کی دھمکی بھی دے چکا ہے، عمران خان اور اس کے حواریوں کی دہشتگردوں کی سہولت کاری اور ہمدردی کے حوالے سے دستاویزات تاریخ کا حصہ ہیں ۔
انہوں نے کہا کہ عمران خان جب حکومت میں تھا تو دہشتگردوں کو رہا اور جمہوریت پسندوں کو گرفتار کیا تھا ، اس نے خیبرپختونخوا کو دہشتگرد تنظیموں کے حوالے کیا، آج تک اس کی پارٹی دہشت گرد گروہوں کی فنڈنگ کرتی ہے، اگر مجھ پر، میرے والد یا پارٹی پر کوئی بھی حملہ ہوا تو اس سب کا بھی حساب لیا جائے گا ۔
After terrorist outfits called myself & my party out by name in direct threats, Imran has now made false accusations against my father former president AZ. These statements increase threats to my father, my family and my part. We take them seriously given our history. 1/6
— BilawalBhuttoZardari (@BBhuttoZardari) January 28, 2023
وزیر خارجہ نے کہا کہ عمران خان کو سمجھنا چاہئیے کہ ہر مرتبہ اس کی بیوی کو خواب آنے پر وہ ٹی وی پر آکر لوگوں سے متعلق الزامات عائد نہیں کر سکتا ہے ، ان کی اہلیہ کے خواب عدالتوں میں ثابت نہیں کئے جا سکتے، عمران خان کا الزام ہے کہ میرے خاندان کا کسی دہشت گرد تنظیم سے کوئی ناطہ ہے یا ہم کسی کو بھرتی کر کے نقصان پہنچانے کی کوشش کریں گے۔
Imran must realize every time his wife has a dream he cannot just come on tv & make accusations about people. Her dreams won’t stand up in court. 4/6
— BilawalBhuttoZardari (@BBhuttoZardari) January 28, 2023
بلاول بھٹو نے مزید کہا کہ عمران خان کا الزام نہ صرف غیر منطقی ہے پاکستان پیپلزپارٹی عمران خان کو چیلنج کرے گی، ہم پاپولر فکشن کو اپنے بیانئے پر حاوی نہیں ہونے دیں گے ، جو ہماری سیاست کو زہر آلود اور جمہوریت کو تاراج کرے، ہم دہشت گردوں اور ان کے سیاسی فرنٹ مین کے پروپیگنڈے کا چارہ بننا بھی برداشت نہیں کریں گے ۔
