گوگل کی جانب سے چیٹ جی پی ٹی کے مقابلے کے لیے اپنا آرٹی فیشل انٹیلی جنس (اے آئی) ٹیکنالوجی سے لیس چیٹ بوٹ بارڈ متعارف کروا دیا گیا ہے ۔
گوگل کی یہ اے آئی سروس آنے والے ہفتوں میں ہی صارفین کو میسر ہوگی جو اس کے سرچ انجن کو ہمیشہ کیلئے ہی بدل کر رکھ دے گی ۔
بارڈ چیٹ بوٹ گوگل کے لینگوئج ماڈل فار ڈائیلاگ ایپلیکیشنز (ایل اے ایم ڈی اے) پر مبنی ہے اور عام افراد کیلئے پیش کرنے سے قبل اس کی آزمائش محدود صارفین پر کی جائے گی ۔
ایک بلاگ پوسٹ میں گوگل کے سی ای او سندر پچائی نے کہا کہ ‘جلد آپ اے آئی ٹیکنالوجی سے لیس فیچر گوگل سرچ پر دیکھیں گے جو پیچیدہ تفصیلات آسان فارمیٹ پر فراہم کرے گا، تاکہ آپ اسے فوری سمجھ سکیں’۔
کمپنی کی جانب سے بارڈ کے ذریعے پیچیدہ موضوعات کو سادہ بنانے کا نمونہ بھی پیش کیا گیا اور اس اے آئی چیٹ بوٹ نے ایک 9 سالہ بچے کو ناسا کی جیمز ویب اسپیس ٹیلی اسکوپ کی دریافتوں کے بارے میں سمجھایا۔
واضح رہے کہ چیٹ جی پی ٹی نے حالیہ مہینوں کے دوران ٹیکنالوجی کی دنیا میں بہت زیادہ مقبولیت حاصل کی ہے۔
اس کو استعمال کرنے والے افراد آسانی سے مطلوبہ تفصیلات حاصل کرسکتے ہیں، مضامین لکھوا سکتے ہیں اور بھی بہت کچھ کرسکتے ہیں۔
1/ In 2021, we shared next-gen language + conversation capabilities powered by our Language Model for Dialogue Applications (LaMDA). Coming soon: Bard, a new experimental conversational #GoogleAI service powered by LaMDA. https://t.co/cYo6iYdmQ1
— Sundar Pichai (@sundarpichai) February 6, 2023
2/ Bard seeks to combine the breadth of the world's knowledge with the power, intelligence, and creativity of our large language models. It draws on information from the web to provide fresh, high-quality responses. Today we're opening Bard up to trusted external testers. pic.twitter.com/QPy5BcERd6
— Sundar Pichai (@sundarpichai) February 6, 2023
چیٹ جی پی ٹی کی مقبولیت میں اضافے کے باعث گوگل نے یہ چیٹ بوٹ تیار کرنے کا فیصلہ کیا تھا۔
گوگل سرچ انجن ہی اس کمپنی کی جان ہے اور چیٹ جی پی ٹی سے اس کو خطرہ لاحق ہوگیا تھا۔
کمپنی کے مطابق ہم اندرونی ٹیسٹنگ میں ملنے والے فیڈ بیک کے ذریعے اس بات کو یقینی بنائیں گے کہ معیار، تحفظ اور حقیقی دنیا کی تفصیلات کے حوالے سے بارڈ لوگوں کی توقعات پر پورا اتر سکے۔
سندر پچائی کا کہنا تھا کہ وقت کے ساتھ ہم ایسے ٹولز تیار کریں گے جن کے ذریعے دیگر افراد کے لیے اے آئی کی مدد سے ایپس تیار کرنا آسان ہوجائے۔