اسلام آباد: سابق وزیراعظم عمران خان کی کل عدالتی پیشی کی جگہ تبدیل کردی گئی۔
تفصیلات کے مطابق توشہ خانہ کیس کی سماعت جوڈیشل کمپلیکس منتقل کردی گئی اور اب ان کے خلاف توشہ خانہ کیس کی سماعت ایف ایٹ کچہری میں نہیں ہوگی۔
چیئرمین پاکستان تحریک انصاف عمران خان کل ایف ایٹ کچہری کے بجائے جوڈیشل کمپلیکس جی11 پیش ہوں گے۔چیف کمشنر نے اختیارات استعمال کرکےکچہری سے کمرہ عدالت جوڈیشل کمپلیکس شفٹ کردیا۔
جاری کردہ نوٹیفکیشن میں کہا گیا ہے کہ کورٹ نمبر ایک جوڈیشل کمپلیکس میں عمران خان کے خلاف توشہ خانہ کیس کی سماعت ہوگی۔ صرف ایک مرتبہ کیلئے کیس کی سماعت کی جگہ منتقل کی گئی ہے۔
واضح رہے کہ پی ٹی آئی رہنما شبلی فراز نے ایف ایٹ عدالتوں کو سماعت کیلئے جوڈیشل کمپلیکس منتقل کرنے کا مطالبہ کیا تھا۔
