میٹا کی جانب سے واٹس ایپ میں نئے فیچرز کو متعارف کروانے کا سلسلہ جاری ہے ۔ واٹس ایپ گروپس کیلئے 3 نئے فیچرز متعارف کروا دئیے گئے ۔
درحقیقت گذشتہ سال سے میٹا کی جانب سے واٹس ایپ میں متعدد نئے فیچرز متعارف کروائے گئے ہیں ۔ 2022 کے اختتام پر واٹس ایپ نے گروپ کے لنگ کو بہتر بنایا جب کہ گذشتہ چند ماہ کے دوران پراکسی سرورز سپورٹ اور اسٹیٹس میں وائس نوٹس سمیت متعدد اضافے بھی کیے گئے تھے ۔
واٹس ایپ گروپس کو بہتر بنانے کے لیے اب کمپنی کی جانب سے تین نئے فیچرز متعارف کروائے گئے ہیں۔
ایک فیچر بنیادی طور پر کسی واٹس ایپ گروپ میں شامل افراد کی تعداد میں اضافے کا ہے۔
واٹس ایپ نے اس حوالے سے گروپس کے اراکین کی تعداد 512 سے بڑھا کر 1024 کرنے کا اعلان کیا ہے ۔
More is more 🙌 Knowing what makes groups thrive, we’ve added new features to your group chats:
👥 Doubled group size to 1,024
💬 Admins control who can join groups
🌐 Search and see shared groupsWith more people and more control, your group connections can continue to grow. pic.twitter.com/nBTt7N95q9
— WhatsApp (@WhatsApp) March 21, 2023
دوسرا فیچر ایڈمن کنٹرول کا ہے
اس فیچر کے ذریعے واٹس ایپ گروپس کے ایڈمنز کو زیادہ کنٹرول بھی فراہم کیا جا رہا ہے ۔
اب گروپ میں کسی بھی ممبر کو شامل ہونے سے قبل گروپ ایڈمن کی رضامندی درکار ہوگی ، اس سے قبل ایسا نہیں ہوتا تھا۔
تیسرا کامن گروپس کا فیچر ہے
اس فیچر سے صارفین کسی واٹس ایپ دوست کے نام کو سرچ کر کے ہی یہ جان سکیں گے کہ ان کا دوست کتنے ایسے گروپس کا حصہ ہے، جن کے آپ بھی ممبر ہیں ۔
یہ بظاہر تو خاص تبدیلی نہیں ہے تاہم اگر آپ متعدد گروپس کا حصہ ہیں تو یہ فیچر کافی مددگار ثابت ہوگا ۔واٹس ایپ کا کہنا ہے کہ آنے والے ہفتوں میں صارفین ان فیچرز کو استعمال کر سکیں گے ۔
