آئی سی سی کی جانب سے ورلڈ ٹیسٹ چیمپئن شپ کے لیے انعامی رقم کا اعلان کر دیا گیا ہے ۔
تفصیلات کے مطابق فائنل جیتنے والی ٹیم کو 16 لاکھ ڈالر کی انعامی رقم ملے گی جبکہ رنر اپ ٹیم کو 8 لاکھ ڈالر سے نوازا جائے گا ۔اس کے علاوہ انعامی رقم میں کوئی تبدیلی نہیں کی گئی ہے ۔
ٹیسٹ چیمپئن شپ کے لیے تمام ٹیموں کے لیےکل انعامی رقم 38 لاکھ ڈالر رکھی گئی تھی ۔ پوائنٹس ٹیبل پر تیسرے نمبر پر آنے والی ساؤتھ افریقی ٹیم کے حصے میں 4 لاکھ 50 ہزا ڈالر آئے ، انگلینڈ کو 3 لاکھ 50 ہزار ڈالر، سری لنکا کو 2 لاکھ ڈالر ملیں گے جبکہ نیوزی لینڈ، پاکستان ، ویسٹ انڈیز اور بنگلہ دیش کو ایک ، ایک لاکھ ڈالر ملے گا ۔
خیال رہے کہ آئی سی سی ٹیسٹ چیمپئن شپ کا فائنل بھارت اور آسٹریلیا کے درمیان 7 جون کو کھیلا جائے گا۔