لاہور: محکمہ موسمیات کی جانب سے ملک بھر میں 24 جون تک شدید گرمی کی پیشگوئی کی گئی ہے۔
محکمہ موسمیات کے مطابق بالائی اور وسطی پنجاب، اسلام آباد، بالائی خیبرپختونخوا، گلگت بلتستان اور کشمیر میں دن کا درجہ حرارت 4 سے 6 ڈگری سینٹی گریڈ معمول سے زیادہ بھی ہو سکتا ہے۔
محکمہ موسمیات کا کہنا ہے کہ جنوبی پنجاب ، سندھ اور بلوچستان میں دن کے وقت درجہ حرارت 2 سے 4 ڈگری سینٹی گریڈ معمول سے زیادہ رہنے کی بھی توقع ہے۔