کراچی : پاکستان میں گذشتہ ہفتے کے دوران زرمبادلہ کے سرکاری ذخائر 48 کروڑ 20 لاکھ ڈالر کم ہوگئے۔ اسٹیٹ بینک نے ہفتہ وار رپورٹ جاری کر دی۔
اسٹیٹ بینک کے مطابق زرمبادلہ کے سرکاری ذخائر میں 48 کروڑ 20 لاکھ ڈالر کی کمی غیرملکی قرضوں کی ادائیگی کی وجہ سے ہوئی ہے زرمبادلہ کے سرکاری ذخائر 3 ارب 53 کروڑ 69 لاکھ ڈالر کی سطح پر آگئے ہیں جب کہ مجموعی ذخائر کی مالیت 8 ارب 86 کروڑ 38 لاکھ ڈالر ہوگئی ہے۔مرکزی بینک کے مطابق کمرشل بینکوں کے پاس 5 ارب 32 کروڑ 69 لاکھ ڈالر کے ذخائر موجود ہیں۔
اسٹیٹ بینک رپورٹ کے مطابق گزشتہ ہفتے کے دوران 30 کروڑ ڈالر کے حکومتی کمرشل قرضے بھی موصول ہوئے ہیں مگر انہیں آئندہ ہفتے کی رپورٹ میں شامل کیا جائے گا۔