ملک کے بیشتر حصوں میں موسم خشک رہے گا، محکمہ موسمیات

محکمہ موسمیات کی جانب سے سامنے آنے والی تفصیلات کے مطابق صوبہ پنجاب کے زیادہ تر علاقوں میں موسم خشک رہنے کا امکان ہے، شہراقتدار میں بھی موسم خشک رہنے کا امکان ہے۔

محکمہ موسمیات کے مطابق صوبہ خیبرپختونخوا کے بیشتر اضلاع میں بھی موسم خشک رہے گا جبکہ چترال، دیر، سوات، کوہستان اور مالاکنڈ میں گرج چمک کے ساتھ بارش اور بلند پہاڑوں پر برفباری کا امکان ہے۔اس کے علاوہ صوبہ سندھ کے بیشتر علاقوں میں بھی موسم خشک رہے گا۔

محکمہ موسمیات کے مطابق صوبہ بلوچستان کے بیشتر علاقوں میں بھی موسم خشک رہنے کا امکان ہے۔ جبکہ شمالی بلوچستان میں مطلع جزوی ابر آلود رہے گا۔ کشمیر اور گلگت بلتستان میں مطلع ابر آلود رہنے کے علاوہ گرج چمک کے ساتھ بارش اور پہاڑوں پر برفباری کا امکان ہے۔

اس خبر پر اپنی رائے کا اظہار کریں

اپنا تبصرہ بھیجیں