آئی سی سی کی نئی ٹیسٹ رینکنگ، پاکستانی کرکٹرز کا کونسا نمبر؟

ویب ڈیسک: انٹرنیشنل کرکٹ کونسل ( آئی سی سی) نے ٹیسٹ کرکٹ کی رینکنگ جاری کر دی ہے۔ انگلش کپتان جوئے روٹ نے کیوی کپتان کین ولیمسن سے پہلی پوزیشن چھین لی ہے۔ تفصیلات کے مطابق بلے بازوں میں جوئے روٹ کا پہلا نمبر ہے جبکہ کین ولیمسن دوسرے نمبر پر آ گئے ہیں۔ پاکستان قومی ٹیسٹ کرکٹ ٹیم کے کپتان بابر اعظم نئی رینکنگ میں بھی بدستور ساتویں نمبر پر موجود ہیں۔ باؤلرز کی فہرست میں آسٹریلیا کے پیٹ کمنز کا پہلا نمبر ہے جبکہ پاکستان قومی کرکٹ ٹیم کے شاہین شاہ آفریدی باؤلرز کی فہرست میں آٹھویں نمبر پر موجود ہیں۔ آل راؤنڈر کی فہرست میں کوئی بھی پاکستانی کھلاڑی موجود نہیں۔