فیصل آباد ( پبلک نیوز) تیس چک میں تین سالہ بچی کا قاتل باپ آصف نکلا۔ تھانہ ساندل بار پولیس نے ملزم آصف کو گرفتار کرلیا ہے۔
پولیس ذرائع کے مطابق باپ نے اپنی ہی معصوم بچی کو قتل کر دیا۔ پولیس نے قتل ہونے والی تین سالہ بچی کے باپ اور ملزم آصف کو حراست میں لے لیا ہے۔
ملزم والد نے اعتراف کرتے ہوئے بتایا کہ بچی کشف بول نہیں سکتی تھی، اس لیے نہر میں پھینک دیا۔ کشف کو نہر میں پھینک کر میلے سے اغوا کا ڈرامہ رچایا۔
پولیس کا کہنا ہے کہ مقتولہ کے اغوا کا مقدمہ تایا ذوالفقار کی مدعیت میں درج ہے۔