بجلی کی قیمت میں 7 روپے 91پیسے فی یونٹ کا بڑا اضافہ

اسلام آباد: بجلی کا اوسط ٹیرف 16 روپے 91 پیسے بڑھ کر 24 روپے 82 پیسے ہو گیا۔ مہنگائی کی ستائی عوام کو 440 ہائی وولٹیج کاجھٹکا، بجلی کے اوسط ٹیرف میں 7 روپے 91پیسے کا بڑا اضافہ کردیا گیا جس کے بعد بجلی کا اوسط ٹیرف 16 روپے 91 پیسے بڑھ کر 24 روپے 82 پیسے ہو گیا ہے۔ نیشنل الیکٹرک پاور ریگولیٹری اتھارٹی ( نیپرا) کا کہنا ہے کہ ٹیرف کا اطلاق وفاقی حکومت کے نوٹیفکیشن کے بعد ہوگا۔ بجلی کمپنیوں نے ملٹی ائیر ٹیرف کی مد میں اضافہ مانگا تھا، ٹیرف برھنے کی بنیادی وجہ روپے کی قدر میں کمی اور ایندھن میں اضافہ ہے۔ نیپرا نے فیصلے کو حتمی نوٹیفکیشن کیلئے وفاقی حکومت کو بجھوا دیا ہے۔