’سیاست ہوتی رہے گی، پہلے صحت پر توجہ دیں‘

اسلام آباد (پبلک نیوز) سربراہ پی ڈی ایم مولانا فضل الرحمن کی طبیعت ناساز، ن لیگ کے قائد میاں محمد نواز شریف کا مولانا فضل الرحمان سے رابطہ۔ذرائع کے مطابق میاں نواز شریف نے مولانا فضل الرحمن سے ٹیلی فون پر خیریت دریافت کی۔ مولانا فضل الرحمن نے اپنی صحت سے متعلق نواز شریف کو آگاہ کیا۔ محمد نواز شریف نے مولانا فضل الرحمان کی جلد صحت یابی کی دعا کی۔میاں نواز شریف نے مولانا فضل الرحمان کو مکمل صحت یابی تک آرام کرنے کا مشورہ دیا۔ انھوں نے کہا کہ سیاست ہوتی رہے گی پہلے اپنی صحت پر توجہ دیں۔ مولانا فضل الرحمن نے نواز شریف کے خیریت دریافت کرنے پر شکریہ ادا کیا۔ میاں نواز شریف نے مولانا فضل الرحمن کے لیے نیک خواہشات کا اظہار کیا اور دعا بھی کی۔