اگر دوبارہ موقع ملا تو2017 سے بھی بہترپاکستان بنائیں گے،نواز شریف

لندن: مسلم لیگ (ن) کے قائد اور سابق وزیراعظم نواز شریف کا کہنا ہےکہ مسلم لیگ (ن) کو دوبارہ موقع ملا تو2017 سے بھی بہترپاکستان بنائیں گے۔ تفصیلات کے مطابق سماجی رابطے کی ویب سائٹ ٹوئٹر پر جاری بیان میں سابق وزیر اعظم نوازشریف نے کہا کہ سابق حکومت نے پھلتے پھولتے پاکستان کو اس نہج تک پہنچا دیا ہے کہ عوام کو دو وقت کی روٹی کو ترس گئی۔ نواز شریف نے طلال چوہدری کی نااہلی ختم ہونے پر انہیں مبارکباد دی اور کہا کہ طلال چوہدری نے جھوٹے مقدمات، نااہلیوں ، سزاؤں اور ظلم کو صبرو استقامت سے برداشت کیا، ناانصافی پر مبنی ان فیصلوں کی سزا پاکستان نے بھگتی۔ سابق وزیراعظم کا کہنا تھا کہ مسلم لیگ (ن) کو دوبارہ موقع ملا تو2017 سے بھی بہترپاکستان بنائیں گے۔