لاہور (پبلک نیوز) انجمن تاجران نعیم میرگروپ نے بھی منی مزدا اور پاکستان گڈز ٹرانسپورٹ کے احتجاج اور ہڑتال کی حمایت کا اعلان کردیا، مرکزی سیکرٹری جنرل نعیم میر نے کہا کہ منی مزداایسوسی ایشن کیساتھ ملکر کر مارکیٹوں میں ہڑتال کرنا پڑی تو تاجر دریغ نہیں کریں گے۔
آل پاکستان انجمن تاجران مرکزی جنرل سیکرٹری نعیم میر کی زیر صدارت فرنیچرمارکیٹ میں اہم اجلاس منعقد ہوا، اجلاس میں ریاض مغل، حافظ رضوان بٹ، جعفر حیسن ،عاصم قریشی، کاشف بٹ، محرم علی، حاجی جاوید ،غلام مرتضی، فاروق حفیظ، عمیر ریاض شریک ہوئے۔
انجمن تاجران کے مرکزی سیکرٹری جنرل نعیم میر نے کہا کہ گڈز تاجر برادری ٹرانسپورٹرز کے جائز مطالبالت کی مکمل حمایت کرتی ہے، انہوں نے کہا کہ گڈز ٹرانسپورٹرز کے ساتھ ملکر پہیہ جام ہڑتال کرنا پڑی تو ضرور کریں گے جنرل سیکرٹری انجمن تاجران نعیم میر نے کہا کہ حکومت نے معیشت کا پہیہ جام کردیا ہے۔تاجران ملک کا پہیہ جام کرکے حکومت کا نا طقہ بند کردیں گے، نعیم میر نے کہا کہ حکومت گڈز ٹرانسپورٹرز کے جائز مطالبات تسلیم کرے۔