عمران خان کا حکومت کی اے پی سی میں شرکت نہ کرنے کا فیصلہ

لاہور: پاکستان تحریک انصاف ( پی ٹی آئی ) کے چیئرمین عمران خان وزیراعظم کی جانب سے طلب کی گئی آل پارٹیز کانفرنس میں شرکت نہیں کریں گے ۔ لاہور میں میڈیا سے گفتگو کرتے ہوئے پاکستان تحریک انصاف کے جنرل سیکرٹری اسد عمر نے سابق وزیر اعظم عمران خان کی اے پی سی میں عدم شرکت کی تصدیق کی ہے ۔ ان کا کہنا تھا کہ حکومتی وسائل کا رخ پکڑ دھکڑ کی طرف ہے، غداری کے مقدمے درج کر کے آئین کی دھجیاں اڑائی جارہی ہیں ، ہمارے خلاف مقدمے درج کیے جارہے ہیں تو ان کے ساتھ کیسے بیٹھا جا سکتا ہے ۔ پی ٹی آئی رہنما اسد عمر نے کہا کہ حکومت جان بوجھ کر الیکشن کے انعقاد سے متعلق ابہام پیدا کر رہی ہے، گورنر ز الیکشن کی تاریخ دینے کیلئے تیار نہیں ہے ، ملک کے 22 کروڑ عوام کسی کو اپنا حق چھننےکی اجازت نہیں دیں گے، بروز جمعرات تک الیکشن کا فیصلہ ہو جائے گا ۔