’بی اے پی ہماری جماعت ہے، انشاء اللہ ہم اپنے معاملات خود حل کریں گے‘

پبلک نیوز: وزیراعلی بلوچستان جام کمال خان نے کہا ہے کہ بی اے پی ہماری جماعت ہے اور انشاء اللہ ہم اپنے معاملات خود حل کریں گے۔ میں پھر کہوں گا ، بی اے پی پاکستان کی سب سے جمہوری جماعت ہے۔ وزیراعلی بلوچستان جام کمال خان نے سماجی رابطے کی ویب سائٹ ٹوئٹر پر بیان میں کہا کہ اختلافات آتے ہیں، ہم ان پر بحث کرتے ہیں اور الحمدللہ ان کو حل بھی کرتے ہیں۔ آج تک میں بی اے پی کے تقریبا چھ ناراض ایم پی اے سے بہت اچھے ماحول میں ملا ہوں اور انشاء اللہ سب حل ہو جائے گا۔ وزیراعلی بلوچستان نے مزید کہا کہ کچھ افراد مزید اختلافات پیدا کرنا چاہتے تھے تاکہ ہم ایک دوسرے پر ردعمل ظاہر کریں۔ لیکن الحمدللہ ہم سب نے ایک دوسرے کے لیے بڑی ذمہ داری اور احترام کا مظاہرہ کیا ہے۔