وزیراعلیٰ پنجاب نے اہم منصوبوں کی تصاویر شیئر کردیں

لاہور: (پبلک نیوز) وزیراعلیٰ عثمان بزدار نے میانوالی میں زیر تعمیر مدر اینڈ چائلڈ ہسپتال اور نرسنگ کالج کی تصاویر شیئر کردیں۔تفصیلات کے مطابق وزیراعلیٰ پنجاب نے سماجی رابطے کی ویب سائٹ ٹویٹر پر میانوالی میں زیر تعمیر مدر اینڈ چائلڈ ہسپتال اور نرسنگ کالج کی تصاویر شیئر کیں۔ وزیراعظم عمران خان نے نومبر 2019 میں اس منصوبے کا سنگ بنیاد رکھا تھا۔200 بستر پر مشتمل ہسپتال اور نرسنگ کالج 4.8 ارب روپے کی لاگت سے مکمل ہوں گے جبکہ یہ منصوبہ 2022 میں تکمیل تک پہنچے گا۔ میانوالی اور گردونواح کے اضلاع میں ماں اور بچے کی صحت کے لئے ایک بڑی کاوش ہے۔