عمران خان پرحملہ: فیصل واوڈا کا ردعمل سامنے آ گیا

پاکستان تحریک انصاف کے سابق رہنماء فیصل واؤڈا کا عمران خان پر حملے کے بعد ردعمل سامنے آ گیا ہے۔ سماجی رابطوں کی وئب سائٹ ٹوئٹر پر اپنے پیغام میں فیصل واوڈا کا کہنا تھا کہ اللّٰہ تعالیٰ کا شکر ہے کہ انہوں نے عمران خان صاحب کو نئی زندگی دی۔ خیال رہے کہ گذشتہ روز وزیر آباد میں عمران خان پر ہونے والے قاتلانہ حملے میں پی ٹی آئی چیئرمین سمیت 13 افراد زخمی جبکہ ایک شخص جاں بحق ہوا تھا۔ لانگ مارچ میں شریک افراد نے موقع سے ایک شخص کو پکڑ کر پولیس کے حوالے کیا تھا جس کی شناخت نوید کے نام سے ہوئی تھی، بعد ازاں پولیس نے نوید کے گھر والوں کو بھی حفاظتی تحویل میں لے کر تفتیش شروع کر دی تھی۔