کراچی: جناح اسپتال کی تاریخ میں پہلی بار روبوٹک سرجری

کراچی کے جناح پوسٹ گریجویٹ میڈیکل سینٹر (جے پی ایم سی) کی تاریخ میں پہلی بار روبوٹک سرجری ہوگئی۔ ترجمان جے پی ایم سی کا کہنا ہے کہ روبوٹک سرجری جراحی کی جدید ترین فارم ہے، جس سے 34 سالہ مریض کے پتے کا آپریشن کیا گیا ہے۔ جناح اسپتال کے ایگزیکٹو ڈائریکٹر پروفیسر شاہد رسول کی سربراہی میں ڈاکٹر صدام اور ڈاکٹر منصب نے 25 منٹ میں کامیاب آپریشن سرانجام دیا تھا۔ ترجمان جے پی ایم سی کے مطابق جدید ترین روبوٹک سرجری پیٹ کے آپریشن کے لیے کافی آسان اور کم تکلیف دہ عمل ہے۔ جس سے مریض جلد صحتیاب ہوتا ہے۔