روپے کی قدر میں اضافے کا سلسلہ جاری ،امریکی ڈالر مزید سستا ہوگیا

ملک میں روپے کے مقابلے میں امریکی ڈالر کی قدر میں کمی کا سلسلہ جاری ہے۔ اسٹیٹ بینک آف پاکستان کی جانب سے جاری اعداد و شمار میں بتایا گیا ہے کہ آج انٹربینک میں ڈالر15 پیسے سستا ہوا ہے۔ اسٹیٹ بینک آف پاکستان کا کہنا ہے کہ انٹربینک میں کاروبار کے اختتام پر ایک امریکی ڈالر کا بھاؤ 284 روپے 38 پیسے ہے۔ انٹربینک میں گذشتہ روز ڈالر 44 پیسےکم ہوکر 284 روپے 53 پیسے پر بند ہوا تھا۔ دوسری جانب ایکسچینج کمپنیز ایسوسی ایشن کے مطابق اوپن مارکیٹ میں ڈالر کا بھاؤ 25 پیسے کم ہوکر 285روپے 25 پیسے ہے۔