روپے کی قدر بڑھنے لگی ، انٹر بینک میں امریکی کرنسی کی قیمت میں کمی

کاروبار کے آغاز پر امریکی ڈالر کی قیمت میں کمی دیکھنے میں آئی ہے جس کے بعد پاکستانی روپے کی قدر بڑھنے لگی ہے ۔ انٹربینک میں ڈالر کی قیمت میں 1.85 روپے کمی ہونے کے بعد امریکی ڈالر کا لین دین 286 روپے میں جاری ہے ۔ یاد رہے کہ گزشتہ روز کاروبار کے اختتام پر انٹربینک میں ڈالر 287 روپے 85 پیسے پر بند ہوا تھا۔ خیال رہے کہ بدھ کے روز ملکی تبادلہ منڈیوں میں مزید 56 پیسے مہنگا ہو کر ڈالر 287.85 روپے کی بلند ترین سطح پر بند ہوا تھا ۔