چھوٹی گاڑیاں خریدنے والے افراد کیلئے اچھی خبر

حکومت نے چھوٹی گاڑیوں کی تیاری کیلئے آلات کی درآمد پر کسٹم ڈیوٹی میں کمی کر دی ہے۔ تفصیلات کے مطابق ریونیو ڈویژن نے ترمیمی نوٹیفکیشن جاری کردیا ہے۔نوٹیفکیشن کے مطابق ایک ہزار سی سی تک نئے ماڈل کی گاڑیوں کی تیاری کیلئے آلات کی درآمد پر کسٹمز ڈیوٹی میں کمی کی گئی ہے۔ کسٹم ڈیوٹی کم کرکے پندرہ فیصد اور ٹائر ٹیوب پر کسٹم ڈیوٹی پچیس فیصد سے کم کرکے سولہ فیصد کردی گئی۔ نوٹیفکیشن کے مطابق ایک ہزار سی سی تک پرانے ماڈل کی گاڑیوں کی تیاری کیلئے آلات کی درآمد پر کسٹمز ڈیوٹی میں کمی کی گئی ہے، کسٹم ڈیوٹی 32.5 فیصد سے کم کرکے 30 فیصد کردی گئی، کسٹمز ڈیوٹی کی شرح میں کمی تین سال کیلئے کی گئی ہے۔