(ویب ڈیسک ) خیبرپختونخوا حکومت کی جانب سے احتجاج کے دوران سرکاری وسائل کا استعمال کر نے پر وزرات داخلہ نے انکوائری کمیٹی تشکیل دیدی۔
تفصیلات کے مطابق ایڈیشنل سیکرٹری داخلہ رفعت مختار کی سربراہی میں کمیٹی قائم کی گئی ہے۔ کمیٹی میں ایڈیشنل ڈی جی ایف آئی اے منیر مسعود نارتھ بھی شامل ہوں گے ۔انٹیلی جینس بیورو( آئی بی ) سے گریڈ بیس کا آفیسر کمیٹی میں شامل ہو گا۔
کمیٹی سات روز میں اپنی رپورٹ پیش کرے گی۔ کمیٹی سرکاری وسائل کے استعمال کرنے کا حکم دینے والے کا تعین کرے گی۔ سرکاری ملازمین کے ملوث ہونے اور ناجائز حکم ماننے والوں کا بھی تعین کیا جائیگا۔