’پی ٹی وی کو ایچ ڈی اور ریڈیو کو ڈیجیٹلائز کردیا گیا‘

02:00 PM, 7 Aug, 2021

احمد علی
لاہور ( پبلک نیوز) وزیر اطلاعات چوہدری فواد حسین نے کہا ہے کہ ہمارے آس پاس تمام ممالک اپنی ٹی وی نشریات ایچ ڈی پر منتقل کر چکے ہیں۔ وزیراعظم کا ہمیشہ مؤقف رہا ہے کہ میڈیاکی جدت پر خصوصی توجہ دی جائے۔ چوہدری فواد حسین کا کہنا تھا کہ موجودہ دور میڈیا کا ہے۔ پی ٹی وی کو ایچ ڈی اور ریڈیو کو ڈیجیٹلائز کردیا ہے۔ انسداد دہشتگردی کے حوالے سے ہم اپنا مؤقف دنیا کے سامنے مؤثر انداز میں نہیں رکھ سکے۔ اے پی پی کو ڈیجیٹل نیوز ایجنسی بنانے جا رہے ہیں تاکہ دنیا سے مقابلہ ہوسکے۔ ان کا مزید کہنا تھا کہ کیبل آپریٹرز کو کامیاب جوان پروگرام کے تحت قرضے دے رے ہیں تاکہ وہ اپنے نظام کو ڈیجیٹل کر سکیں۔ پہلی بار پریس انفارمیشن ڈیپارٹمنٹ کو "پیپر لیس" کردیا ہے۔ پہلی بار تمام میڈیا ہاؤسز کے اشتہارات کی مکمل ادائیگیاں کر دی گئیں ہیں۔ انہوں نے کہا کہ گزشتہ 3 ماہ میں سرکاری اشتہارات کی مد میں میڈیا گروپس کو 67 کروڑ روپے ادا کیے گئے۔
مزیدخبریں