پاکستان کی آئی ایم ایف کو بیرون ملک ادائیگیوں کیلئے 6 کی بجائے 8 ارب ڈالر کی یقین دہانیاں،ذرائع

اسلام آباد: ذرائع کا کہنا ہے کہ پاکستان نے آئی ایم ایف کو بیرون ادائیگیوں کے لیے 6 کی بجائے 8 ارب ڈالر کی یقین دہانیاں کرادیں۔ ذرائع وزارت خزانہ کا کہنا ہے کہ چین پاکستان کو 3.5 ارب ڈالر فراہم کرے گا،چین کے 2 ارب ڈالر ڈیپازٹ میں رکھے رہیں گے، چین کے کمرشل بینکس 1.5 ارب ڈالرفراہم کریں گے۔ ذرائع نے بتایا ہے کہ سعودی عرب پاکستان کو 2 ارب ڈالر فراہم کرے گا، متحدہ عرب امارات ایک ارب ڈالر فراہم کرے گا، عالمی بینک 50 کروڑ ڈالر فراہم کرے گا، ایشیا انفراسٹرکچر بینک 25 کروڑ ڈالر فراہم کرے گا. ذرائع وزارت خزانہ کا کہنا ہے کہ جنیوا کانفرنس کے اعلان کردہ 35 کروڑ ڈالر بھی پاکستان آئیں گے، آئی ایم ایف نے بیرونی ادائیگیوں کے لیے 6 ارب ڈالر کی یقین دہانیاں مانگی ہیں۔