پی ٹی آئی ایجنڈے کو آگے بڑھانے والا چیف جسٹس فی الفور مستعفی ہو جائے ، نواز شریف

مسلم لیگ (ن) کے قائد اور سابق وزیراعظم نواز شریف نے چیف جسٹس آف پاکستان جسٹس عمر عطا بندیال سے فی الفور مستعفی ہونے کا مطالبہ کردیا ہے ۔ تفصیلات کے مطابق اپنی ٹوئٹ میں نواز شریف نے لکھا کہ عدالتیں قوموں کو بحرانوں سے نکالتی ہیں نہ کہ بحرانوں میں دھکیلتی ہیں ۔ نواز شریف کا کہنا تھا کہ چیف جسٹس نے نہ جانے کونسا اختیار استعمال کیا ہے کہ اکثریتی فیصلے پر اقلیتی رائے مسلط کردی ہے ۔ انہوں نے مطالبہ کیا ہے کہ اپنے منصب اور آئین کی توہین کرتے ہوئے پاکستان تحریک انصاف ( پی ٹی آئی ) کے ایجنڈے کو آگے بڑھانے والا چیف جسٹس مزید تباہی کرنے کے بجائے فی الفور مستعفی ہو جائے ۔ واضح رہے کہ سپریم کورٹ کے جسٹس اطہر من اللہ کے نوٹ کے بعد وفاقی حکومت نے بھی چیف جسٹس سے فی الفور مستعفی ہونے کا مطالبہ کر دیا ہے ۔