عید الفطر پر ملک بھر میں کتنی چھٹیوں کا اعلان کیا جائے گا ؟اہم خبر آ گئی

اسلام آباد: ملک بھر میں عیدالفطر پر کتنی چھٹیاں دی جائیں گی، کابینہ ڈویژن نے ورکنگ کا آغاز کر دیا ہے ۔ نجی ٹی وی کی رپورٹ میں بتایا گیا ہے کہ عید کیلئے 4 سے 5 چھٹیاں دینے کی تجویز وزیراعظم ہاؤس کو دی جائیں گی ، جس کا فیصلہ وزیراعظم اگلے ہفتے کریں گے کہ کب تک چھٹیاں دی جائیں ۔ ذرائع کا کہنا ہے کہ اگر عید جمعتہ المبارک کو ہوتی ہے تو 20 سے 23 اپریل تک چھٹیاں ہونے کا امکان ہے اور اگر ہفتہ 22 اپریل کو عید ہوتی ہے تو 20 سے 24 اپریل تک چھٹیوں کا اعلان کیا سکتا ہے ، کابینہ ڈویژن وزیراعظم کی باضابطہ منظوری کے بعد ہی نوٹیفکیشن جاری کرے گی ۔ خیال رہے کہ رویت ہلال ریسرچ کونسل کے سیکرٹری جنرل خالد اعجاز مفتی کا کہنا ہے کہ 20 اپریل کی شام کو عیدالفطر کا چاند نظر آنے کا امکان نہیں ہے لہٰذا رمضان 30 روزوں پر مشتمل ہو گا اور عید ہفتہ 22 اپریل کو منائے جانے کا امکان ہے ۔