وزیر خارجہ بلاول بھٹو کی امام حسینؓ کے روضہ مبارک پر حاضری

پاکستان پیپلزپارٹی کے چیئرمین و وزیر خارجہ بلاول بھٹو زرداری نے اپنے دورۂ عراق کے دوران روضۂ امام حسینؓ پر حاضری کی سعادت حاصل کر لی ۔ تفصیلات کے مطابق وزیر خارجہ بلاول بھٹو زرداری نے امام حسینؓ کے روضہ مبارک پر خصوصی حاضری کے دوران دعائیں مانگیں اور مناجات پڑھیں ۔ اس کے علاوہ بلاول بھٹو زرداری نے امام حسینؓ کے صحابی حبیب ابن مظاہرؓ کی تربت پر بھی حاضری دی۔ اس موقع پر انہوں نے مقامِ شہداء پر بھی حاضری دی اور گنج شہیداں پر نماز بھی ادا کی۔ چیئرمین بلاول بھٹو زرداری نے بین الحرمین سے ہوتے ہوئے روضہ غازی عباسؓ علمدار پربھی حاضری دی، ان کے روضے مبارک پر مناجات پڑھیں اور نماز ادا کی اور دعائیں مانگی۔