اگر آپ مفت پٹرول حاصل کرنا چاہتے ہیں تو یہ خبر پڑھ لیں
04:03 PM, 10 Aug, 2021
ویب ڈیسک: مفت پٹرول حاصل کرنے خواہش مند افراد کو اب زیادہ مشقت اٹھانے کی ضرورت نہیں ہے بلکہ ایک انتہائی سادہ سی سکیم کے تحت اپنا شناختی کارڈ دکھاتے ہوئے مفت پٹرول حاصل کیا جا سکتا ہے۔ بھارت میں میڈیا پر گردش کرنے والی خبروں کے بعد اے این آئی نے باقاعدہ آفیشل ٹوئٹر ہینڈل سے تصدیق شدہ خبر جاری کی ہے۔ جس میں بتایا گیا ہے کہ گجرات کے ایک شہر میں پٹرول پمپ کے مالک نے منفرد سکیم کا اعلان کیا ہے۔ شہر بھروچ میں ایوب پٹھان کے پٹرول پمپ پر اس سکیم سے آپ کو مفت پٹرول مل سکے گا۔ یہ سکیم ٹوکیو اولمپکس 2020 میں بھارتی اتھلیٹ نیرج چوپڑ کی جانب سے جیولن تھرو کا فائنل جیتنے پر شروع کی گئی ہے۔