اوورسیز پاکستانیوں نے فروری میں 2 ارب ڈالر پاکستان بھیجے
06:07 PM, 10 Mar, 2023
کراچی : اسٹیٹ بینک کے مطابق اوورسیز پاکستانیوں نےفروری میں 2 ارب ڈالر پاکستان بھیجے۔ اسٹیٹ بینک آف پاکستان کے مطابق فروری کےترسیلات رواں سال جنوری سے4.9 فیصد زائد رہیں۔ جنوری میں ورکرز ترسیلات 1 ارب 89 کروڑ ڈالر تھیں۔ رواں سال فروری میں سعودی عرب میں مقیم پاکستانیوں نے 45 کروڑ 46 لاکھ ڈالر بھیجے۔ عرب امارات سے 32 کروڑ 40 لاکھ اور برطانیہ سے 31.70 کروڑ ڈالر کی ترسیلات آئیں۔امریکا میں مقیم پاکستانیوں نے 21 کروڑ 94 لاکھ ڈالرپاکستان بھیجے،گزشتہ برس فروری کے مقابلے رواں سال فروری کی ترسیلات 9.5 فیصد کم ہیں۔