اوورسیز پاکستانیوں نے فروری میں 2 ارب ڈالر پاکستان بھیجے

کراچی :‌ اسٹیٹ بینک کے مطابق اوورسیز پاکستانیوں نےفروری میں 2 ارب ڈالر پاکستان بھیجے۔ اسٹیٹ بینک آف پاکستان کے مطابق فروری کےترسیلات رواں سال جنوری سے4.9 فیصد زائد رہیں۔ جنوری میں ورکرز ترسیلات 1 ارب 89 کروڑ ڈالر تھیں۔ رواں سال فروری میں سعودی عرب میں مقیم پاکستانیوں نے 45 کروڑ 46 لاکھ ڈالر بھیجے۔ عرب امارات سے 32 کروڑ 40 لاکھ اور برطانیہ سے 31.70 کروڑ ڈالر کی ترسیلات آئیں۔امریکا میں مقیم پاکستانیوں نے 21 کروڑ 94 لاکھ ڈالرپاکستان بھیجے،گزشتہ برس فروری کے مقابلے رواں سال فروری کی ترسیلات 9.5 فیصد کم ہیں۔

Workers’ remittances recorded an inflow of US$2.0 billion during Feb 23. For details see https://t.co/rPOvn9CTjfhttps://t.co/7XBd4uNES4 pic.twitter.com/vcQ6cZR1yU

— SBP (@StateBank_Pak) March 10, 2023

اسٹیٹ بینک کے مطابق رواں مالی سال کے ابتدائی 8 مہینوں میں ورکرز ترسیلات 18 ارب ڈالرز رہیں۔ رواں مالی سال آٹھ مہینوں کی ترسیلات گئے مالی سال کے اسی عرصے سے 10.8فیصد کم ہیں۔