ویب ڈیسک: وفاقی حکومت نے آئندہ 15 روز کے لیے پیٹرولیم مصنوعات کی قیمتوں کا اعلان کردیا،حکومت کاپیٹرول کی قیمت برقرار رکھنے کا فیصلہ, پیٹرول کی قیمت 252 روپے 10 پیسے فی لیٹر برقرار رہے گی.
تفصیلات کےمطابق ہائی اسپیڈ ڈیزل فی لیٹر 3 روپے 5 پیسے سستا کردیا گیا، لائٹ ڈیزل کی قیمت میں 2 روپے 78 پیسے فی لیٹر کمی کی گئی، پیٹرولیم مصنوعات کی قیمتوں میں ردوبدل کا نوٹی فکیشن جاری کردیا گیا۔
وزارت خزانہ کے جاری کردہ اعلامیے کے مطابق آئندہ 15 روز کے لیے پیٹرول کی قیمت 252 روپے 10 پیسے فی لیٹر جبکہ ہائی اسپیڈ ڈیزل کی نئی قیمت 255 روپے 38 پیسے فی لیٹر ہوگی۔
اعلامیے کے مطابق لائٹ ڈیزل کی نئی قمیت 2 روپے78 پیسےفی لیٹر کی کمی کے بعد سے 148 روپے95 پیسے فی لیٹر ہوگی۔
مٹی کےتیل کی قیمت میں 3 روپے 32 پیسےفی لیٹرکمی کی گئی ہے جس کے بعد مٹی کےتیل کی نئی قیمت 161 روپے66 پیسےفی لیٹر ہوگی۔
اعلامیے کے مطابق نئی قیمتوں کا اطلاق آج رات 12 بجے سے ہوگا۔
