بجلی کی قیمت میں 57 پیسے فی یونٹ اضافہ

اسلام آباد: بجلی کی قیمت 57 پیسے فی یونٹ بڑھا دی گئی ہے۔ نیشنل الیکٹرک پاور ریگولیٹری اتھارٹی ( نیپرا) اعلامیے کے مطابق سہ ماہی ایڈجسٹمٹ کی مد میں بجلی 57 پیسے فی یونٹ مہنگی کردی گئی ہے، اضافہ مالی 2021 -22 کی پہلی سہ ماہی ایڈجسٹمنٹ کی مد میں کیاگیاہے ۔اضافے کا اطلاق کے الیکڑک اور لائف لائن صارفین پر نہیں ہوگا ۔ نیشنل الیکٹرک پاور ریگولیٹری اتھارٹی ( نیپرا) نےحتمی نوٹیفکیشن کے لیے فیصلہ وفاقی حکومت کو بھجوا دیاہے،فیصلے سے صارفین پر 14 ارب 33 کروڑ روپے سے زائد کا بوجھ پڑے گا ۔ نیپرا کا کہنا ہے کہ بجلی صارفین کو تین ماہ میں اضافی ادائیگیاں کرناہوں گی ، بجلی صارفین سے اضافی وصولیاں یکم جون سے شروع کی جائیں گی۔