نواز شریف کو سفارتی پاسپورٹ مل گیا، فیملی کی تصدیق

لندن : شریف فیملی نے نواز شریف کو سفارتی پاسپورٹ ملنے کی تصدیق کردی ہے۔ تفصیلات کے مطابق پاکستان مسلم لیگ ن کے قائد اور سابق وزیراعظم نواز شریف کو سفارتی پاسپورٹ مل گیا۔اس حوالے سے شریف فیملی نے تصدیق کردی ہے۔ مسلم لیگ ن کے قائد نواز شریف نے کہا ہے کہ سفارتی پاسپورٹ میرے پاس کئی دن سے موجود ہے۔ خیال رہےکہ آج وزیر اعظم شہباز شریف نے لندن میں نوازشریف سے ملاقات کی،جس میں مریم نواز، خواجہ آصف، ملک احمد خان، سلیمان شہباز اور حسین نواز بھی میں شریک تھے۔ مسلم لیگ ن کے رہنماؤں کی ملاقات تقریباًساڑھےتین گھنٹےجاری رہی۔