شہباز گل کی درخواست ضمانت سماعت کیلئے مقرر

اسلام آباد ہائیکورٹ نے بغاوت کے مقدمے میں شہباز گل کی درخواست ضمانت 14 ستمبر کو سماعت کے لیے مقرر کر دی ہے۔ گذشتہ روز وزیراعظم کی پیشی کے باعث شہباز گل کیس کی کازلسٹ منسوخ ہو گئی تھی۔ اسلام آباد ہائیکورٹ کے رجسٹرار آفس نے نئی کاز لسٹ جاری کی ہے۔ اس پر چیف جسٹس اسلام آباد ہائیکورٹ اطہر من اللہ، پی ٹی آئی رہنما شہباز گل کی ضمانت کی درخواست پر 14 ستمبر کو سماعت کریں گے۔ عدالت عالیہ نے تحریک انصاف کے شہباز گل کی درخواست پر پراسیکوشن کو نوٹس کرکے جواب طلب کر رکھا ہے۔