ویب ڈیسک :اداکارہ صبا قمر نے سوشل میڈیا پروائرل ویڈیو ” ہماری پارٹی ہورہی ہے ” کی دلچسپ نقل اتارکر اپنے مداحوں کو خوب محظوظ کیا ہے۔حال ہی میں ٹوئٹرپرپاکستان کے شمالی علاقہ جات میں بنائی جانے والی یہ ویڈیو خاصی وائرل ہوئی جس کی وجہ دلچسپ اندازگفتگو ہے۔ویڈیو میں دوستوں کے ساتھ ہلا گلا کرنے والی لڑکی گاڑی کے سامنے کھڑے ہوکر انگریزی لب و لہجے میں کہہ رہی ہے، ” یہ ہم ہیں، یہ ہماری گاڑی ہے اور یہ ہماری پارٹی ہورہی ہے ”۔
اسی انداز میں بنائی جانے والی مختلف ویڈیوز دیکھنے کے بعد صبا قمر کی بھی حسِ مزاح جاگی اور انہوں نے بھی دوست کے ہمراہ ویڈیو بنالی۔ویڈیو میں صبا نے بھی موبائل کیمرہ گھماتے ہوئے اسی لب ولہجے میں کہا، یہ میں ہوں، یہ میری دوست ہے اور ہم ٹی وی دیکھ رہے ہیں ”۔صبا کے فالوورزنے ویڈیو پسند کرتے ہوئے تبصروں میں اداکارہ کی صلاحیتوں کو داد دی۔