اعتماد کا ووٹ نہ دینے پر خرم لغاری کے والد نے بیٹے سے تعلق توڑ دیا

پرویز الہی کو اعتماد کا ووٹ نہ دینے پر خرم لغاری کے والد چنوں لغاری بیٹے پر برہم ہوگئے، بیٹے سے تعلق توڑ دیا ۔ تفصیلات کے مطابق پاکستان تحریک انصاف ( پی ٹی آئی ) کے ایم پی اے خرم لغاری کی جانب سے پرویز الہی کو اعتماد کا ووٹ نہ دینے پر ان کے والد چنوں خان لغاری بیٹے پر برہم ہو گئے ، سیاسی تعلق ختم کرنے کا اعلان کر دیا ہے ۔ جاری ویڈیو بیان میں انہوں نے کہا ہے کہ خرم نے وزیراعلی پنجاب کو ووٹ نہ دیکر غلط فیصلہ کیا ہے ، آج سے میرا اس سے کوئی سیاسی تعلق نہیں ہے ، ہم پاکستان تحریک انصاف ( پی ٹی آئی ) کے چیئرمین عمران خان کے ویژن پر عمل پیرا ہیں ۔ انہوں نے مزید کہا کہ چودھری پرویز الہی کے ساتھ شانہ بشانہ کھڑے ہیں ، ان کے ہرفیصلے کا خیرمقدم کروں گا۔ آج سے خرم لغاری کی سیاسی راہیں جدا ہوں گی، ہمارا اس سے کوئی تعلق واسطہ نہیں ہے ۔