یو اے ای نے اسٹیٹ بینک میں ایک ارب ڈالر جمع کرادیئے، اسحاق ڈار

اسلام آباد: متحدہ عرب امارات (یو اے ای ) نے اسٹیٹ بینک آف پاکستان میں ایک ارب ڈالر جمع کرادیئے ہیں ۔ سماجی رابطے کی ویب سائٹ ٹوئٹر پر جاری بیان میں وزیر خزانہ اسحاق ڈار نے کہا ہے کہ یو اے ای نے اسٹیٹ بینک میں ایک ارب ڈالر جمع کرادیئے، قرض سے پاکستان کے موجودہ ذخائر مستحکم ہوں گے۔ انہو ں نے کہا کہ وزیر اعظم شہباز شریف،آرمی چیف جنرل سید عاصم منیر اور قوم کی طرف سے متحدہ عرب امارات کی قیادت کا شکریہ۔ اس سے قبل پریس کانفرنس کرتے ہوئے اسحاق ڈار کا کہنا تھاکہ سعودی عرب اور یو اے ای سے 3 ارب ڈالرز آچکے ہیں، اس سے ہمارے اسٹیٹ بینک کے ذخائر میں بہتری آئے گی۔ یاد رہے کہ گزشتہ روز سعودی عرب نے اسٹیٹ بینک میں 2 ارب ڈالر جمع کروائے تھے۔