جوہرآباد: ریسکیو ٹیم نے گھر میں گھسنے والے دو سانپوں کو پکڑلیا

جوہرآ باد: ریسکیو ٹیم خوشاب نے آفیسر کالونی جوہرآباد میں گھر میں گھسنے والے دو سانپوں کو پکڑ لیا۔ اہل علاقہ نے ریسکیو عملہ کو خراج تحسین پیش کیا ہے۔ ڈسٹرکٹ آفیسر ریسکیو خوشاب انجینئر حافظ عبدالرشید نے میڈیا کو تفصیل بتاتے ہوئے کہا کہ مظفر گڑھ روڈ سے ملحقہ آفیسر کالونی جوہرآباد میں ایک گھر میں دو سانپ گھس گئے جس کے سبب گھر اور اہل علاقہ میں خوف و حراس پھیل گیا۔ انہوں نے کہا کہ واقع کی اطلاع ملتے ہی ریسکیو ٹیم نے موقع پر بروقت رسپانس کر کے اینیمل ریسکیو آپریشن کرتے ہوئے دونوں سانپوں کو پکڑ لیا۔ اہل علاقہ کی جانب سے پنجاب ایمرجنسی سروس کی بروقت اور پیشہ ورانہ کاروائی کو بے حد سراہا۔