ویب ڈیسک: مسلم لیگ ن کے سوشل میڈیا اکاونٹ سے ٹویٹ کیا گیا ’ محض دعوے نہیں کیے الحمدللہ جو کہا وہ کردکھایا اپنے پہلے خطاب میں قوم سے 12 ہفتوں میں ایئرایمولبولینس بنانے کا وعدہ کیا‘۔
تفصیلات کے مطابق ایکس پر کئے گئے ٹویٹ میں کہا گیا کہ الحمدللہ صرف 7 ہفتوں میں ایئرایمبولینس سروس کی ٹریننگ کا آغاز ہوچکا ہے۔
وزیراعلیٰ پنجاب مریم نواز شریف کا سماجی رابطے کی ویب سائٹ ایکس پر پیغام میں کہا گیا کہ ’پاکستان اور پنجاب کی پہلی ایئر ایمبولینس سروس کے لیے پہلے تربیتی سیشن کا آغاز کر دیا گیا ہے ،انشااللہ، ایئر ایمبولینس سروس جون میں شروع ہو جائے گی۔
مریم نواز شریف نے لکھا کہ ’ الحمدللہ! ، ایئر ایمبولینس سروس کا منصوبہ ریکارڈ وقت میں مکمل کیا گیا ہے۔