ڈیرہ غازی خان (پبلک نیوز) محکمہ بورڈ آف ریونیو کی بڑی کارروائیاں جاری ہیں۔ تازہ ترین کارروائی میں محکمہ کی جانب سے کروڑوں روپے مالیت کی ہزاروں کنال سرکاری اراضی واگزار کروا لی گئی۔
تفصیلات کے مطابق ڈی جی خان کے علاقہ موضع راکھ کوٹلہ سے ایک ہزار کنال سرکاری زمین واگزار کرائی گئی۔ بورڈ آف ریونیو کے عملے نے پولیس کی بھاری نفری کے ساتھ قبضہ مافیا کے خلاف آپریشن کیا۔ واگزار کروائی گئی اراضی کی مالیت 16 کروڑ 25 لاکھ سے زائد ہے۔ قابضین سے تاوان کی وصولی کے لئے ہدایات بھی جاری کر دی گئی ہیں۔
دوسری کارروائی میں موضع کوٹلہ سیخانی سے دو کنال اٹھارہ مرلہ کمرشل اراضی واگزار کروا لی گئی۔ واگزار کرائی گئی کمرشل اراضی کی قیمت ایک کروڑ سولہ لاکھ روپے ہے۔