ایشیا کی 50 کامیاب خواتین کی فہرست جاری ، پاکستان سے کتنے نام شامل؟

فوربز میگزین کی جانب سے ایشیا کی 50 کامیاب خواتین کی فہرست جاری کر دی ہے، فوربز کی اس فہرست میں پاکستان پیپلز پارٹی کی رہنما شیری رحمان کا نام شامل بھی کیا گیا ہے۔ تفصیلات کے مطابق فوربز میگزین نے ایشیا پیسیفک سے 50 برس سے زیادہ عمر کی 50 خواتین کی فہرست جاری کر دی ہے جو کہ اپنے شعباجات میں نئی بلندیوں کو چھو رہی ہیں ، فوربز میگزین کا کہنا ہے کہ 50 سال سے زائد عمر کی یہ 50 خواتین خطے کی اگلی نسل کی حوصلہ افزائی کر رہی ہیں ۔ فوربز میگزین نے بتایا کہ کاپ 27 میں شیری رحمان عالمی خبروں پر چھائی رہیں ہیں ، کانفرس میں لاس اینڈ ڈیمیجز متعلق فنڈ کا نیا معاہدہ بھی طے پایا گیا ہے ، شیری رحمان وزیر اطلاعات ، صحافی اور امریکہ میں سفیر رہ چکی ہیں ، 2018 میں شیری رحمان سینیٹ میں قائد حزب اختلاف کے عہدے پر فائز ہونے والی پاکستان کی پہلی خاتون ہیں ۔ انہیں اپریل 2022 میں پاکستان کی وزیر برائے ماحولیاتی تبدیلی مقرر کیا گیا تھا جب کہ وہ نشان امتیاز کے ساتھ دیگر اعزازات بھی اپنے نام کر چکی ہیں ۔ فوربز میگزین نے انہیں سراہتے ہوئے یہ بھی لکھا کہ فنانشل ٹائمز نے شیری رحمان کو 2022 کی 25 بااثر خواتین میں شامل کیا تھا۔