پی ٹی آئی اور ق لیگ یک جان دو قالب ہیں ، وزیر اعلی پنجاب

لاہور: وزیراعلی پنجاب پرویز الہی کہتے ہیں تحریک انصاف اور مسلم لیگ ق یک جان دو قالب ہیں۔ وزیراعلیٰ پنجاب چودھری پرویز الٰہی نے ارکان پنجاب اسمبلی کی ملاقاتیں کیں۔انہوں نے کہا کہ عوام نے جھوٹے شیروں کو دم دبا کر بھاگتے دیکھا ہے، پنجاب اسمبلی کے ارکان نے دباؤ اور ترغیب کے سامنے ڈٹ کر تاریخ رقم کردی۔ پرویز الہیٰ نے کہا کہ سوداگر ناکام ہوئے، آئین اور قانون، حق و سچ کی فتح ہوئی، پنجاب کے ہر علاقے کے عوام کو ترقی کے سفر میں شریک کیا ہے۔ ہماری حکومت کی مختصر وقت میں مثالی کارکردگی کھلی کتاب کی مانند ہے۔