پی آئی اے نے 18 سال بعد راس الخیمہ کیلئے فلائٹ آپریشن شروع کر دیا
02:30 PM, 13 Sep, 2021
ویب ڈیسک: پاکستان انٹرنیشنل ایئرلائنز ( پی آئی اے) نے 18 سال کے وقفے کے بعد متحدہ عرب امارات (یو اے ای) میں راس الخیمہ کے لیے اپنی پروازیں دوبارہ شروع کر دی ہیں۔ پی آئی اے پہلے ہی متحدہ عرب امارات کی دوسری امارات جیسے کہ دبئی، ابوظہبی اور شارجہ کے لیے متواتر فلائٹ آپریشن کر چکا ہے۔ دریں اثنا پی آئی اے کے راس الخیمہ کے لیے فلائٹ آپریشن سے توقع ہے کہ تیل سے مالامال خلیجی ملک میں پاکستانی تارکین وطن کے لیے مزید مواقع پیدا ہوں گے۔