پی آئی اے نے 18 سال بعد راس الخیمہ کیلئے فلائٹ آپریشن شروع کر دیا

ویب ڈیسک: پاکستان انٹرنیشنل ایئرلائنز ( پی آئی اے) نے 18 سال کے وقفے کے بعد متحدہ عرب امارات (یو اے ای) میں راس الخیمہ کے لیے اپنی پروازیں دوبارہ شروع کر دی ہیں۔ پی آئی اے پہلے ہی متحدہ عرب امارات کی دوسری امارات جیسے کہ دبئی، ابوظہبی اور شارجہ کے لیے متواتر فلائٹ آپریشن کر چکا ہے۔ دریں اثنا پی آئی اے کے راس الخیمہ کے لیے فلائٹ آپریشن سے توقع ہے کہ تیل سے مالامال خلیجی ملک میں پاکستانی تارکین وطن کے لیے مزید مواقع پیدا ہوں گے۔

#PIA resumes its ops to Ras Al-Khaimah #RKT after 18 Yrs. A modest ceremony was held at RKT airport attended by PIA Country Head #UAE, Pakistan Council General & Chairman @RAK_AIRPORT Authority to celebrate the event. Special thanks to @gcaauae, @ForeignOfficePk for their support pic.twitter.com/7PsQ7Px9aR

— PIA (@Official_PIA) September 13, 2021

پی آئی اے کے آفیشل ٹوئٹر اکاؤنٹ کے مطابق راس الخیمہ انٹرنیشنل ایئرپورٹ (آر کے ٹی) پر 18 سال کے وقفہ کے بعد پی آئی اے کے آپریشنز کے آغاز کے موقع پر تقریب منعقد کی گئی۔

#GreatNews Everyday! Offering weekly flights between #RasalKhaimah & #Lahore.

Now stay closer to your loved ones & book your visit back home on https://t.co/g8VR5uj7ge????#airblue #UAE #airline #UAETravel #Exciting pic.twitter.com/sP15agRhy9

— Airblue (@airblueairline) September 5, 2021

ایک ہفتہ قبل ایئر بلیو نے پہلی بار راس الخیمہ کے لیے اپنا آپریشن شروع کیا۔ راس الخیمہ ( رأس الخیمة) متحدہ عرب امارات کی سات امارات میں سے ایک ہے۔ یہ اپنے پہاڑوں، ساحلوں اور تاریخی ثقافت کے لیے جانا جاتا ہے۔ دریں اثنا گلف نیوز کے مطابق راس الخیمہ کے علاوہ پی آئی اے جولائی میں متحدہ عرب امارات میں فجیرہ کے لیے اپنا آپریشن شروع کرنے والی تھی۔ تاہم فجیرہ کے لیے فلائٹ آپریشن ابھی شروع نہیں کیا گیا۔