اسکردو انٹرنیشنل ایئرپورٹ پر پہلی بین الاقوامی پرواز لینڈ کر گئی

اسلام آباد: اسکردو انٹرنیشنل ایئرپورٹ پر پہلی بین الاقوامی پرواز لینڈ کر گئی۔ تفصیلات کے مطابق پہلی بین الاقوامی پرواز دبئی سے اسکردو پہنچی، اسکردو پہنچنے پر فلائیٹ کو واٹر کینن سیلوٹ پیش کیا گیا۔ سطح سمندر سے 7500 فٹ بلندی پر ہونے کی وجہ سے اسکردو ایئرپورٹ کو منفرد مقام حاصل ہے،ا سکردو ایئرپورٹ پر بین الاقوامی پرواز کی آمد خطے کے لیے سفری رسائی کو بہتر بنانے میں ایک اہم پیش رفت ہے ۔ ترجمان سول ایوی ایشن کا کہنا ہے کہ بین الاقوامی پروازوں سے نہ صرف سیاحوں اور مسافروں کو فائدہ پہنچے گا بلکہ مقامی معیشت پر بھی مثبت اثرات مرتب ہوں گے۔