(مانیٹرنگ ڈیسک)سینیئر صحافی منصور علی خان نے کہا کہ صحافی زبیرعلی خان جو پی ٹی آئی کو رپورٹ کرتے ہیں ان کی جانب سے ٹویٹ کیا گیا کہ عمران خان نے آرمی چیف جنرل عاصم منیر کو خط لکھا ہے ۔
تفصیلات کے مطابق صحافی منصور علی خان نے اپنے ویلاگ میں سنسنی خیز خبر سناتے ہوئے کہا صحافی زبیرعلی خان نے ٹویٹ کرتے لکھا کہ''قیدی نمبر 804 بنام آرمی چیف'
خبر ہے کہ عمران خان نے آرمی چیف کو خط دو ہفتے قبل لکھنا شروع کیا تھا، اس وقت خط لکھا جاچکا ہے صرف اس کی نوک پلک باقی ہے۔ خط 6 مندرجات پر مشتمل ہے جس میں ملک کی موجودہ صورتحال اور اس کا حل تجویز کیا گیا ہے۔
عمران خان نے ملک کی موجودہ صورتحال کی ذمہ داران کا ذکر بھی کیا اور آئین کی بحالی کو ملک کے مسائل کے حل کے طور پر پیش کیا ہے۔
اس پر سینیئرصحافی منصور علی خان نے اپنے خیالات کا اظہارکرتے ہوئے کہا کہ کیا آرمی چیف عمران خان کے خط کو کوئی اہمیت دیں گے؟ پہلی تو یہ ایسا لگتا ہے خط وہاں تک پہنچے گا ہی نہیں، اگر پہنچ بھی کیا تو کیا اس خط کو کوئی اہمیت دی جائے گی؟ کیا عمران خان ہمیں بتائے گا کہ ملک کو کس طرح چلانا ہے۔
منصور علی خان نے مزید کہا کہ دونوں کے درمیان کافی گیپس آچکے ہیں اس لئے انہیں نہیں امید کہ عمران خان کے اس خط کی کوئی ویلیو ہوگی۔