ویب ڈیسک: ویمنز ون ڈے ٹورنامنٹ جیتنے والی ٹیم کو انعامی رقم بھی ملے گی۔
پی سی بی کا کہنا ہے کہ نیشنل ویمنز ون ڈے کرکٹ ٹورنامنٹ بدھ سے فیصل آباد میں شروع ہوگا۔ اس مرتبہ ٹورنامنٹ میں چھ ٹیمیں حصہ لیں گی اور یہ پچاس اوورز کا ہوگا۔
خیال رہے کہ پہلے اس ٹورنامنٹ میں تین ٹیمیں شریک تھیں اور یہ پنتالیس اوورز کا ہوتا تھا۔
پی سی بی کا کہنا ہے کہ ٹورنامنٹ میں چھ ٹیمیں کراچی، لاہور، کوئٹہ، پشاور، ملتان اور راولپنڈی شریک ہیں۔ ٹورنامنٹ جیتنے والی ٹیم کو دس لاکھ روپے کی انعامی رقم بھی ملے گی۔