کابل (پبلک نیوز) روسی میڈیا کے مطابق کابل ائیرپورٹ پر امریکی فوج کی فائرنگ سے متعدد ہلاکتوں کا خدشہ ہے، امریکی فوج نے ائیرپورٹ کے ٹارمک پر موجود ہزاروں افراد کو منتشر کرنے کے لئے فائرنگ کی.
روسی خبر رساں ادارے کےمطابق کابل ایئر پورٹ پر امریکی فوج کی فائرنگ سے متعدد افراد کو گولیاں لگیں،اطلاعات کے مطابق 5 افراد اس فائرنگ میں ہلاک ہوئے۔ واضح رہے کہ کابل ائیرپورٹ پر افغانستان چھوڑنے کے خواہشمندوں کا رش دیکھا گیا ہے، جس کے بعد ہجوم کو منتشر کرنے کے لیے امریکی فوج کی جانب سے ہوائی فائرنگ کی گئی، ہوائی اڈے کو عوام کے لیے بند کر دیا گیا ہے۔
خیال رہے گزشتہ روز افغانستان سے دو خصوصی پروازیں بڑی تعداد میں غیرملکیوں کو لے کر پاکستان پہنچی تھیں جس میں افغان حکام بھی شامل تھے جب کہ آج پی آئی اے نے سکیورٹی خدشات کے باعث اپنا آپریشن معطل کردیا ہے۔