انٹر بینک میں ڈالر 1.99 روپے مہنگا ہو گیا

انٹر بینک میں ڈالر 1.99 روپے مہنگا ہو کر 293.50 روپے کا ہوگیا۔ تفصیلات کے مطابق فاریکس ایسوسی ایشن آف پاکستان کے صدر ملک محمد بوستان کا کہنا ہے کہ درآمدی کنٹینرز رُکے ہوئے تھے جو کہ اب کلیئر ہوئے ہیں اس لیے بھی امریکی ڈالر کی قیمت بڑھی ہے۔ ملک بوستان کا مزید کہنا تھا کہ ملک کی معیشت کو بہتر کرنے کیلئے سخت فیصلے کرنا ہوں گے۔ گذشتہ روز انٹر بینک میں ڈالر 291.51 روپے پر بند ہوا تھا۔